ક્યાંક લોકો મરે છે આપણે ચુપ રહો
દુનિયા જોયા કરે છે આપણે ચુપ રહો
આભ આખું લગાવે આગ ચોગમ અહીં
ખાક પાણી ભરે છે આપણે ચુપ રહો
ભૂખ તો ક્યાં ય ખોવાઇ બચપણ જેમ અહીં
છોકરાં કરગરે છે આપણે ચુપ રહો
ગામ છોડી થવાના બાપડા હિજરતી
જીવ સૌ નો ડરે છે આપણે ચુપ રહો
હાયકારા ચિત્કારો વંચિતો દફન છો
માત રોયા કરે છે આપણે ચુપ રહો
દેહ ખંડેર છે, માંહ્યલો ય મૃત બાબુલ
શાંતિ ખોયા કરે છે આપણે ચુપ રહો
ટિપ્પણીઓ નથી:
ટિપ્પણી પોસ્ટ કરો