આવજાવ - બાબુલ

થઇ ગયું એવું આ આવજાવમાં

પેસી ગયું અન્ય મુજ સ્વભાવમાં

હતાં કિનારા સમ જે અડીખમ

ધોવાઈ ગયાં એ ય પ્રવાહમાં

ભૂલી પડે તો કેડીને  પૂછજે

નદી જેવી કેમ છે તું દેખાવમાં

બસ એમ છોડી ના જા તું મને

તું જ નીસરે છે પછી આહમાં 

હતો 'બાબુલ' જેવો જે માણસ

કેવો થઇ ગયો એ પ્રભાવમાં

બાબુલ 

      લીડ્સ  ૧૪/૬ ૧૦

મોનાલિસા-બાબુલ

પેરિસના લુવ્ર સંગ્રહાલયમાં સ્થિત મોનાલિસાના ચિત્રથી સ્ફુરેલ આ કાવ્ય સાદર છે;

ઘોંઘાટીયા પ્રવાહમાં

રેલાઈ ના જાય

એનું સ્મિત એથી

પારદર્શક

કાંચળીમાં

જડી છે

જન્મે

નિતાંત

બહેરી મૂંગી

ગોરીને:

કરવા

રંગીનને

ગમગીન?

બાબુલ

યોર્ક ૧૪/૬/૧૦