શુક્રવાર, 16 નવેમ્બર, 2012

મારું ચાલે તો - બાબુલ

જો મારું ચાલે તો
પ્રત્યેક પળ  પર લખી દઉં
સ્મિતભરી  કવિતા
લહેરાતી હવામાં વહેતાં  મુકું
અધરનાં  આલિંગનો

બાગનાં  ઘાસ પર છલકેલાં જળબિંદુનાં
એકેએક સ્ફટિકમાં બાંધું
પ્રણયનાં પ્રતિબિંબ
ને બિછાવું
બારીક વાદળીની ઝાઝમ
કે
ઝાંઝરિયાળ દ્રશ્યોનાં
ના રહે પડછાયા

મારી કવિતા અને તારું રૂપ - અખંડ
રહે સદા જીવંત

...ક્ષણમાં
વાદળી હવા જળબિન્દુમાં ધુમ્મસ થઇ જાય
અને આ ચિત્ર- આ કાગળ
સાવ કોરો જ રહી જાય
એ પહેલાં -
ચાલને
ફરી આજે સહિયારું સપનું જીવીએ

બાબુલ 
24/12/11

મંગળવાર, 13 નવેમ્બર, 2012

હેપી ન્યુ યર - બાબુલ


નવી તારીખ નવું પાનું છે
હેપી ન્યુ યર આવવાનું છે
ઘડીના લગોલગ છે બાહુ
ફરી નાચવાનું બહાનું છે
થયું આ વરસ પાયમાલ
અને ખાલી મનનું ખાનું છે
જવા દે ન પૂછ કેવું ગયું
કેવું હશે નવું જોવાનું છે
કરીએ આંખ બંધ બાબુલ
કહે છે કે સપનું મજાનું છે

બાબુલ 

છૂટા પડવાની વેળા - બાબુલ

 છેવટે  આવીને વળગે છે એ એવી:  વિહવળ કરી દે સામટા ગળગળા છૂટા પડવાની વેળા નૈન અગનગોળો જેમ ડૂબતા સૂરજનાં છેલ્લાં ડૂસકાં લોપાઇ જાય આકાશની વિશાળ ...