દુર્દાંત વજન
[જો બધું જ ના કરી શકે તો કાંઇક પણ પ્રયત્ન કરવા વિશે જે કોઇ આત્મશંકા કરે છે એમને]
તમે કહો છોઃ
જે કંઇ છે મારાં
નાનાં મોટાં યત્નો
વ્યર્થ છેઃ
જ્યારે તોળાતો હશે ચુકાદો નાજુક
એ નહીં નમાવી શકે
દુર્નિર્ધાર્ય ન્યાયનું ત્રાજવું.
હું નથી માનતો કે મેં એવું ધાર્યું ય’તું
છતાં,
નિશંક
છે મને પક્ષપાત જક્કી
-કરું સમર્થન: સર્વ ચર્ચાથી પરે-
ખુદના સ્વાયત્ત હક સારું
કે
સ્વયં કરી શકું નક્કી
ત્રાજવાની કઇ બાજુ પામશે
પાશેર, પણ દુર્દાંત વજન મારું
બોનારો ઓવરસ્ટ્રીટ ના કાવ્ય Stubborn weight નો ભાવાનુવાદ
બાબુલ
