આંકડો --- બાબુલ

આંકડો


એમણે ઘોષણા કરી
એક અન્ય બીમાર વૃધ્ધનું પાછલી રાત્રે મૃત્યુ થયું છે
આમ તો મારે ઝાઝી ફરિયાદ નથી
કિન્તુ
આ સૌ ઠંડાગાર આંકડાંમાંનો એક બીજો આંકડો?
ઘડપણની સાવ  નિર્મૂલ્ય અવહેલના? 
નિસ્પૃહા:
એ આત્માએ વરસો સહેલી
દર્દોની અગણિત પીડાઓ
- પરંતુ
ધબકતા હાર્દનું બંધ થવું
એટલે બીજી કેટલીય શક્યતાઓનો જન્મ
ઉપકરણો, ઈલાજ
...
કોઈ જિંદગીનો ભરોસો નથી
છતાં
એ હજુ એ કહ્યે જાય છે
એક વૃદ્ધ માત્રનું મૃત્યુ થયું છે.

બાબુલ