પિક્ષલ -બાબુલ

યુગોથી કર્યા કરું છું
નિરંતર પ્રેમનું તપ
નિહાળ્યા  કરું  છું
તારાં બદલાતાં  રૂપ

પહેલા યુગમાં તું વિહરતી
ઓઢીને દિશાઓ રૂપકડી
ધુપકિરણો શી તરતી
પરી - અપ્સરા ભૂલી પડી?


તારા નામની પહેલી કવિતા
પ્રજ્વલિત અગ્નિ ઈશાનમાં
ઉત્તરે ઉતરેલી કોઈ સરિતા
ને લય તારો વૈકુંઠી ગાનમાં

વહેતી કામિની લાવામય
 મનમાં તો મૂંઝારા કારમા
ઓહ  કેવાં રે  મોહના ભય
સ્ખલનના નિસાસા હારમાં

આજે  સ્મૃતિપટે  જોઉં  રંગલિસોટા
ઊર્મિઓ- કેટલાં  પિક્ષલ , ડીજીટલ ફોટા


બાબુલ