હૃદયરોગ- બાબુલ

હ્રદયને વળગેલી

ધમનીઓ

સંકોચાઈ હશે

એનાં પોલાણોની સ્નિગ્ધતા

ખંડિત થઇ હશે

અને એ પર લપેડાયા હશે મેદનાં થર

એક ફેફસાથી વહેલો પ્રાણવાયુ

સતત ધબકતા સ્નાયુને

નહિ હોય પર્યાપ્ત કદાચ

એથી જ તો

સહેજ હાંફ સાથે જ

જાગે છે છાતીમાં

દુખાવો

તીવ્ર  

બાબુલ 

૨૦/૧૦ /૨૦૧૦ શિકાગો  

પ્રભાવ -બાબુલ

જોઈએ એમાં પ્રભાવ લોહીનો જરા

માત્ર અકસ્માતથી ગઝલ બનતી નથી

બાબુલ

નયા સાલ -બાબુલ

દેખો અગર ગૌર સે તો હર હાલ અચ્છા હૈ

શુક્ર અય રબ  તેરા હર કમાલ અચ્છા હૈ

હૈ અભી તક ઈમાન તો જાહિર હૈ યે  

પુરાને સે 'બાબુલ' નયા સાલ અચ્છા હૈ 

બાબુલ 1/1/2010

કિનારે - બાબુલ

વરસોથી ઉભો છે ખડક કિનારે

થઇ જાય પૂરી તરસ કિનારે

ઘર આંગણની છે આ રેત ‘બાબુલ’

ચરણોને વળગી છે તરત કિનારે

બાબુલ 

લોંગ બીચ , ઓકલેન્ડ ૧૪ અપ્રિલ ૨૦૧૦

હેમંત - બાબુલ

હતાં લીલાં જે મરવાના હતાં

થયાં ભગવા જે ખરવાના હતાં

અરે કેવી છે ઈશ્વર આ વ્યથા

હવે દિવસો ક્યાં ફરવાના હતાં

બાબુલ

ડોન્કાસ્ટર, ૧૨-૧૧-૧૦ 

નૂતન વર્ષાભિનંદન - બાબુલ

જૂનાથી ય નવું વરસ શુભ હો

સૌ સ્વજનનું સર્વાંગ શુભ હો

દિન બધાં બધી રાત ખુશ હો

આરંભ ને અંત બધાં શુભ હો 

બાબુલ
શિપલી ૪-૧૧-૧૦ 

દરવેશ - બાબુલ

બાળપણનાં નહીં બાળકોના દેશમાં છું

છું ઘરમાં જ આમ તો છતાં પરદેશમાં છું

સાગર કદી ઠરી ના શક્યો એની યાદનો

ઓ હૃદય એટલે જ તો તું દરવેશમાં છું  

બાબુલ

૨૯.૧૦.૧૦ 

(દરવેશ = રમતારામ)