Friday, 8 July 2016

હશે - બાબુલ


એમના બોલવા પર ઘડાયો હશે
ચાંદલો આસમાને છવાયો હશે
પૂછ તો શીદ છે કાંપવું  ભીંતને
જીવતો કોઇ પથરો ચણાયો હશે
હારવાની નથી નોંધ ક્યાંએ, બધે 
જીતનો ઈતિહાસ લખાયો હશે
યાર પ્રેમ એકદમ થયો શું કરું
જાણું છું શાયદ તું રિસાયો હશે
રાહ જોયા કરી વ્હાલની રોજ મેં
જે વરસતો હતો મે' પરાયો હશે

બાબુલ 

Saturday, 25 June 2016

એક વાદળી બનાવ- બાબુલ

છલકાતું તડકાઉ તળાવ
છીછરાં ખાબોચિયાંનો
સાવ હંગામી પડાવ 

કાદવિયા કિનારે
ભેંસે વળગેલાં છાંયડા-  
પાણીદાર ગીત

આતુર ધરા - ઊની આહ
રીસ ટેકરીયાળ:
ગારા કેરી  ભીંત  

વરસ પછી વરસ્યો સાંવરિયો
મેઘા સંગ એ નાહી
પાણી પાણી બસ પ્રીત  

બન્યો વાદળી બનાવ
પળમાં પીગળી ભીંત ને   
મલકાયું  છલકાતું તળાવ
   
બાબુલ