Sunday, 29 December 2013

તમન્ના - બાબુલ

ધોળુ મળે  કાળુ મળે 
મુખ તો રૂપાળુ મળે 
શોધું સ્મિતને હું અને  
કારણ કજિયાળુ મળે 
મેઘાને તો વરસવું  
નદી નહિ તો નાળુ મળે 
તરવાની એક તમન્ના 
ડૂબતાને ડાળુ મળે 
મળ્યું આખરે  જો ઘર 
ત્યાં ય બંધ તાળુ મળે 
તારો પ્રેમ હો વસંતી 
ને વ્હાલ શિયાળુ મળે  

બાબુલ 

Tuesday, 24 December 2013

જોબનવંતી - બાબુલ

 જોબનવંતી ચાલે એ નીકળી લેવા લાડ
રૂપમતી કૂકડીને રોકી શકી ના વાડ

વંડી ઉપે કૂકડો મોટો રોજ કરે કકળાટ
કૂકડી વા'લી ચાંચુડીના નોંખા કાઢે ઘાટ
મન ચઢે ચકડોળ ને દોટ મૂકે જો નાડ
બિમાર રૂદિયાને રાણી આમ ના રંઝાડ

કલગી ગાતી ઉંચે સાદે રોજ એનાં  ગાન
કૂક રે કૂક ભેગો કરતો ખોટનો સામાન
ઝરૂખા ઝુકી ગયા ભૂલા પડ્યા કમાડ
કુક્કડ રાજા કોક દિ તો  નેણવા  ઉઘાડ

વાલુડી  ત્રોફાવે ઉરે  ટહુકતો મોર
ઢેલડીયુંના ઘરમાં ઉઠ્યો એવો શોર
ઉતાર આ પીંછા, દુખતી રગને વાઢ 
કૂકડી શોક્યને હાલને હાલ જ  કાઢ  

જોબનવંતી ચાલે જે નીકળે  લેવા લાડ
રૂપમતી કૂકડીને રોકવા બાંધો  વાડ

બાબુલ 

Saturday, 14 December 2013

વળગણ- બાબુલ

પાતળી હવામાં વહેતા શબ્દ
અર્થને ઝાલી
વળગણને પીડતા રહ્યા
પીગળતા રહ્યા
હેતાળ અાશિષ કેરા  
અાશ્લેશ દેતા
શીતળ શાતા: 
ભીના વાતાવરણમાં
સ્મરણ  ઉભરતા રહ્યા

વળગણ  અાછું રડતા રહ્યા.  

બાબુલ 

Wednesday, 14 August 2013

Where the mind is without fear -Tagore

Where the mind is without fear and the head is held high 
Where knowledge is free
Where the world has not been broken up into fragments  
By narrow domestic walls
Where words come out from the depth of truth
Where tireless striving stretches its arms towards perfection
Where the clear stream of reason has not lost its way 
Into the dreary desert sand of dead habit
Where the mind is led forward by thee 
Into -widening thought and action
Into that heaven of freedom, my Father, let my country awake.


Rabindranath Tagore

Friday, 9 August 2013

ખુમારી - બાબુલ

કૈફી આઝમીની ગઝલ નો ભાવાનુવાદ 

કાંટા કાંકરા ખસો રસ્તા તો ચાલે 
હું થાક્યો તો શું કાફલા તો ચાલે 
ચાંદ , સૂરજ, તારા, પુરાણા મારગ   
ભલેને ભૂંસાતા, હવા  તો ચાલે 
દોસ્ત  રાજનીતિ કે ધરમને  ઓઠે     
બીજાની હાનિના ધંધા તો ચાલે 
કેટલી છે લાશો કેમ કરી  ઉઠાવું 
આ ઇંટો  ભીંત ચણવા તો ચાલે 
લઇ પાવડા આ ભોંયને ખોલાવો 
 છું કઈ કબરમાં  જાણવા તો ચાલે


બાબુલ 


Thursday, 8 August 2013

ઈદ મુબારક - બાબુલ

ઈદ મુબારક 

કોઇ દિ દુખડા કોઇ દિ મોજ
રોજ રોજ રોજા ઈદ ય રોજ
તારણ એક એ તારણહારો જ
ખુદમાં ખુદ તું ખુદાને ખોજ 

બાબુલ 

Sunday, 2 June 2013

પિક્ષલ -બાબુલ

યુગોથી કર્યા કરું છું
નિરંતર પ્રેમનું તપ
નિહાળ્યા  કરું  છું
તારાં બદલાતાં  રૂપ

પહેલા યુગમાં તું વિહરતી
ઓઢીને દિશાઓ રૂપકડી
ધુપકિરણો શી તરતી
પરી - અપ્સરા ભૂલી પડી?


તારા નામની પહેલી કવિતા
પ્રજ્વલિત અગ્નિ ઈશાનમાં
ઉત્તરે ઉતરેલી કોઈ સરિતા
ને લય તારો વૈકુંઠી ગાનમાં

વહેતી કામિની લાવામય
 મનમાં તો મૂંઝારા કારમા
ઓહ  કેવાં રે  મોહના ભય
સ્ખલનના નિસાસા હારમાં

આજે  સ્મૃતિપટે  જોઉં  રંગલિસોટા
ઊર્મિઓ- કેટલાં  પિક્ષલ , ડીજીટલ ફોટા


બાબુલ 






Monday, 27 May 2013

હાઈકુ - બાબુલ

હાઈકુ

ખુદ  પુરાવો
પરમેશ્વરનો
મારું હોવું એ

બાબુલ 

Saturday, 4 May 2013

ગઝલ- અમૃત ઘાયલ



સદ્ધર બનાવીએ અતિ ધરખમ બનાવીએ,
નતમસ્તકોને ઊંચકી અણનમ બનાવીએ.

ખુશ્બોની યાને મહેકની મોસમ બનાવીએ,
આલમથી ભિન્ન આપણી આલમ બનવીએ.

આ પ્રેમનીય હોવી ઘટે ઇષ્ટ યોજના,
અભ્યાસ જેમ પ્રેમનો પણ ક્ર્મ બનાવીએ.

જેની જગતમાં ઉપમા કશે પણ મળે નહીં,
જીવન ગતિને એવી અનુપમ બનાવીએ.

આપસમાં મેળ હોય તો વમળોની શી વિસાત!
'મનમેળ'ને જ નાવનો માલમ બનાવીએ.

એ રામભક્ત હો કે હો બંદો રહીમનો,
હમદર્દ હોય એમને હમદમ બનાવીએ.

'ઘાયલ'- જે ઘાવ શત્રુનાયે રૂઝવી શકે,
એક એવો લેપ યાને કે મરહમ બનાવીએ.

Wednesday, 3 April 2013

છે કાંઈ જુદું -બાબુલ

છે કાંઈ જુદું હવે ચાલમાં
ખોવાઈ જાતે આજ કાલમાં
કોઈ તો બતાવે કે કેમ રે
લાગે મને ઓછું વ્હાલમાં
ત્યાં સૂકાય છે ભીનાં આંસુ
રહેતું સ્મિત ક્યારેક ગાલમાં
હતી આશા જેના જવાબની
કેવાં મુંઝાયા એ સવાલમાં
કેવી રીતે કહું કે 'બાબુલ'
ના પડજે તું આ બબાલમાં


બાબુલ

Saturday, 2 March 2013

રોગ - બાબુલ

નિર્લજ વીર્યતા
અર્થાત
પ્રવૃત્ત દાનવતા
સાક્ષાત!
સ્ત્રી:
ઉપયોગ યા ઉપભોગ
ફ્રી
પુરુષાતન - રોગ

બાબુલ  

Sunday, 10 February 2013


ગોલ્ડફીશ

તારા આ શહેરી ફ્લેટમાં
કાચની દીવાલો ચકચકિત
ને  ઝળહળતી છત ભેટમાં
...ક્યાં  છલકે પાદરનું અતીત ?

બહાર હવા અડપલાં કરતી
બાવલાં પડતાં છોભા
હું માંહે માંડ તરતી
માત્ર થઇને  શોભા 

તેં જ દીધા રૂપ - ઈશ
ને કીધી નક્કી  નિયતિ:
સ્ત્રી -પરી- ગોલ્ડફીશ
મનોરંજન કાજ જીવતી 

તારા વિશ્વની મૂંગી ચીસ
હું બસ -સદા ઝૂકતું  શિશ

બાબુલ