Sunday, 10 May 2009

હકડેઠઠ - 'બાબુલ’

જીવશું હકડેઠઠ બાપુ
હાંકડમાંકડ મરશું
પંડે ભૂખ્યા રૈને દાદુ
ઘીના દીવા કરશું
રણમાં જોશું વાટ પિયાની
ધુળિયા થાપા કરશું
વરસે ગગનું જે દિ એ દિ
રેલમછેલ તરશું
નાકું છો ને ઉબડખાબડ
પથરે આસન કરશું
માથે તપતા સૂરજ કાળા
લથપથ તડકે ફરશું
પેટ ભલે ને બળતું ધગધગ
ખાલી બુકડા ભરશું
હખદખ બેઠા અડખેપડખે
દલની ટાઢે ઠરશું
હુતાશણીની હારે હારે
રંગ ધુળેટી કરશું
હેતે થૈ ને તરબતર
નૈવધ હાથે ધરશું
જીવશું હકડેઠઠ બાપુ ...હાંકડમાંકડ મરશું


'બાબુલ’

1 comment:

  1. A very detremined zeal for life, come what may. That's the spirit people need todayt in the age of slowdown all around.
    Dawoodbhai

    ReplyDelete